JAGUAR КОНЦЕПТ-КАРЛАРЫ

C-X17 CONCEPT ДЕГЕН НЕ?

C-X17 Concept — Jaguar көліктерінің тартымды дизайны мен озық сипаттарын сенімді жүргізудің артықшылықтарымен және SUV әмбебаптығының жоғары деңгейімен үйлестіретін Jaguar компаниясының алғашқы концептуалды спорттық SUV көлігі. Ол Jaguar көліктерінің ең жаңа жетілдірілген алюминий архитектурасын өмірге әкелгендей. Оның негізінде жасалған автокөліктер кластағы ең жақсы сапасымен, төзімділігімен және сенімділігімен ерекшеленеді.

НИЕТТЕН ЖАСАУҒА ДЕЙІН

Алюминийді белсенді пайдаланатын C-X17 Concept жоғары технологиялық модульдік архитектурасы Jaguar көліктеріне танымалдылық беретін бірегей сипатына, дизайнына, динамикасына, өнімділігіне және әсемдігіне нұқсан келтірместен, кең ауқымды модельдер қатарын құруға мүмкіндік беретін икемділікті қамтамасыз етеді.

ЖАҢАЛЫҚТАРДЫ БАҚЫЛАП ОТЫРЫҢЫЗ

Жаңа архитектураға негізделген алғашқы сериялық Jaguar 2015 жылы сатылымға шығады. Осы жаңа орташа өлшемді премиум кластағы спорттық седан шабыттандыратын сипатты қамтамасыз ететін кең ауқымды қуат пен қайтарымы бар қозғалтқыштармен жабдықталады және басқарушылыққа зиян келтірместен, отын үнемдейтін технологиялар саласындағы ең озық инновацияларға ие.

Көк цезий

ҮШ ЕЛІКТІРГІШ ТҮС

C-X17 Concept әлемге үш керемет реңкте ұсынылды: бұл көк цезий, сұйық алюминий және сұйық алтын.

JAGUAR АСҚАН ШЕБЕРЛІГІ

C-X17 Concept стильді, спорттық және еліктіргіш болып шығуы міндетті еді. Ол Jaguar көлігіне тән уақытпен шектелмейтін әсемдік сезімін сақтай отырып, көпшіліктен ерекшеленуі тиіс.

Jaguar-дың дизайн жөніндегі директоры Ян Каллум былай дейді: «Біз Jaguar компаниясының нақты принциптер жиынтығы мен оның не істейтінін терең түсінуге негізделе отырып, C-X17 көлігін нөлден бастап жасадық: еліктіргіш пропорциялар, таза сызықтар, пішін тепе-теңдігі. Төзімді әрі қуатты, сонымен бірге керемет сезімталдыққа ие C-X17 — бұл батыл және қайталанбас Jaguar».

КӨРКЕМ ИНТЕРЬЕР

C-X17 Concept салоны шынайы әсемдік пен талғампаздықты жүзеге асыра отырып, заманауи көзқарасқа ие инновациялық интерактивті технологияларды дәстүрлі жоғары сапалы материалдар мен британдық шеберлікке біріктіреді. Салонның тартымды дизайны мен қолайлығы, сондай-ақ оның әмбебаптығы, соның ішінде кең жүксалғыш жүргізуші үшін ғана емес, отбасы үшін де ыңғайлы екенін білдіреді.

ЖҮРГІЗУШІГЕ БАҒЫТТАЛУ

Рульге сенімді отыру сәнді салонда қауіпсіздік пен жайлылық сезімін тудырады. Әрлемеде бірінші санатты материалдар, соның ішінде фрезерленген алюминий және қара күңгірт анодталған металл қолданылған, мұның арқасында қара түсті, талғампаз әсер пайда болады. Бөлшектерге назар аударылғаны тіпті автокөліктің жүру режимдерін басқаратын беріліс қорабының бұрма ауыстырып-қосқышынан білінеді. Оның әрлемесінде керемет рутений қолданылады және, C-X17 Concept ішінде оталдыру жүйесін қоссаңыз, ол консольден әсерлі түрде шығады.

INTERACTIVE SURFACE CONTROL СЕНСОРЛЫ ИНТЕРФЕЙСІ

Interactive Surface Control инновациялық жүйесі – бұл жолаушыларға автокөлікпен өзара әрекеттесуге мүмкіндік беретін өзара байланысты сенсорлы дисплейлер тіркесімі бар көп экранды ақпараттық ойын-сауық орталығы. Атап айтқанда, мобильді құрылғыларыңыздан фотосуреттерді, бейне- және дыбыстық файлдарды жүктеп салуға, оларды басқа жолаушылармен бөлісуге, сондай-ақ достарыңызбен әлеуметтік желілерде хабарласуға болады.

MERIDIAN 3D SURROUND АКУСТИКАЛЫҚ ЖҮЙЕСІ

Аудиотехника саласындағы британдық сарапшылар тарапынан арнайы әзірленген 28 динамигі бар, ауқымды 3D-дыбысты Meridian C-X17 жүйесі әрбір жолаушы үшін премиум кластағы оңтайлы 3D-дыбыс жасайтын Meridian Trifield 3D технологиясымен жабдықталған.

ОРЫНДЫҚТАР КОНФИГУРАЦИЯСЫ

Франкфуртте көрсетілген «көк цезий» түсіндегі түпнұсқалы автокөлік стильді төрт жеке орындықпен жабдықталған, ал «сұйық алтын» түсіндегі жаңа C-X17 Concept автокөліктің көп функциялылығы мен отбасылық демалыс үшін ыңғайлылығын баса көрсетіп, бес орынды әмбебаптылықпен ерекшеленеді. C-X17 Concept көлігінің екі нұсқасы да ыңғайлылық, қолдау және әмбебаптылық арасындағы дұрыс тепе-теңдікті қамтамасыз етеді.

ЖҮКСАЛҒЫШ

Сондай-ақ автокөлік тұраққа қойылғанда және артқы есік ашық болғанда кең жүксалғышта еденнен көтерілетін және жылжытылатын, демалуға арналған екі жиналмалы орындықты орналастыруға болады.

ПАНОРАМАЛЫҚ ТӨБЕ

C-X17 Concept бірегей төбесі салонда жеңілдік пен әуе сезімін үстейді, сонымен қатар айналадағы дүниені бақылағанда контурлы қалақшалар арқасында сипатты «эллипстік» панорамалық және айтарлықтай ашық көріністі қамтамасыз етеді.

АРТҚЫ ЖЕТЕК

Жолмен қалыпты ілінісу жағдайында C-X17 Concept интеллектуалды толық жетек жүйесі тарту күшін артқы дөңгелектерге береді. Бұл Jaguar басқаруынан белгілі динамикалық сезімді сыйлайтын спорттық SUV сегментіндегі бірегей шешім. Жүйе дөңгелектердің сырғып кетуіне жол бермей, оған жауап беру арқылы үнемі жол төсемін бақылайды, бұл төсеммен нашар ілінісу жағдайында жүргізуші сенімділігін арттырады және автокөлік тұрақтылығын жақсартады.