JAGUAR КОМПАНИЯСЫ ТУРАЛЫ

1935 жылы алғашқы Jaguar автокөлігі шыққаннан бері біз компаниямыздың негізін қалаушы сэр Уильям Лайонстың жетістіктерінен шабыт алып, мүмкін болатын нәрселердің шекарасын кеңейтіп келеміз. Ол брендтің әрбір автокөлігінде динамикалық сипаттамалар мен әсемдікті бұрын болмағандай біріктіруді талап етті. Оның теңдессіз көзқарасы біз әлі күнге дейін ұстанатын жаңа бағдарларды белгіледі.

Жаңа F-TYPE шығара отырып, біз өз дәстүрлерімізге адал болып қала береміз. Бұл екі орынды спорттық автокөлік – C-, D- және E-Type үлгілерінен басталған шежіренің лайықты ізбасары. Соңғысы нағыз аңызға айналған және әлі күнге дейін әлемдегі ең әдемі көлік. Ол, F-TYPE бүгін жаңа стандарттарды белгілейтін нарықтың негізін қалаушы болды.

Фирмалық стилі және Jaguar-ға тән сызықтар тазалығы — брендтің барлық автокөліктерінің ерекшелігі. Қуат пен динамика, көз тартарлық пен әдемілік, сенімділік пен атлетикалық – бұл қасиеттердің барлығы біздің көліктеріміздің бойында бар.

Біздің компания Ұлыбританияда және бүкіл әлем бойынша автокөлік жасау саласындағы мыңдаған жұмыс орындарын құрумен және өзінің озық жетістіктерімен танымал. Біз әлемдік және британдық экономикадағы рөлімізді мақтан тұтамыз. Jaguar өзінің негізгі ұстанымдарына адалдығын сақтай отырып, көптеген жылдар бойы люкс класындағы автокөлік индустриясының алдыңғы қатарында қала бермек.