Алюминийдің пайдасына негізгі дәлел: бұл материал болаттың орнына қолданылған кезде құрам бөліктердің салмағы үш есе азаяды. Бұл бізге болаттан әлдеқайда аз салмағы бар шасси жасауға мүмкіндік береді, ал бұл өз кезегінде отын шығыны мен шығарындыларды азайтады және автокөліктің динамикасын жақсартады. Алюминийдан жасалған шассиді қолдану арқылы тасталған әрбір 100 кг салмақ, шығарындыларды₂ 9 г/км-ге азайтуға көмектеседі, ал толық есептелген жұмыс уақытында отын шығыны 800 литрге азаяды.

Біздің алюминий пайдалану саясатымыз автокөліктің салмағын азайтуға деген ниетпен ғана емес, сонымен қатар барған сайын берік, қауіпсіз, төзімді және сенімді автокөліктер жасауға деген ұмтылыспен де байланысты.

Біз алюминийді шикізат ретінде пайдалануда кемелдікке жеттік. Сыртқы панельдер өндірісінде қалыңдығы 0,9 мм немесе максималды берік болу үшін маңызды құрам бөліктерді өндіруде 3 мм-ге дейін болатын өңделмеген алюминий табағына қажетті контурлар мен пішіндер беріледі, ал 2000 тонна күштің көмегімен біз қателік шегі миллиметрден аспайтын тесіктер жасаймыз. Осылайша біз керемет нәтижелерге қол жеткіземіз. F‑PACE бүйірлік панелі — біз жасаған ең үлкен панельдердің бірі, салмағы небәрі 5,8 кг.

Аэроғарыш өнеркәсібіндегі тәжірибені пайдалана отырып, біз «riv-bonding» деп аталатын алюминий шассиін жасаудың революциялық әдісін жасадық. Алюминий панельдер бір-біріне ауыр желіммен желімденеді, содан кейін 10 тоннаға дейін мырышпен қапталған құрамында бор бар болаттан жасалған тойтармалармен тесіледі.

Бояу шеберханасында шассиді 170 °C температурада күйдіру кезінде мына тығыздалған көп қабатты алюминий конструкциясындағы желім бетонның беріктігіне дейін қатып, жұқа алюминий табағына керемет қаттылық береді. Мысалы, спорттық F-TYPE моделінің алюминий шанағының салмағы небәрі 261 кг, алайда ол өте жоғары айналу қаттылығымен ерекшеленеді. XE-мен жұмыс істеу барысында біз өз ойлағанымыздан асып түстік және қазіргі уақытта қолжетімді Jaguar автокөліктерінің ішіндегі ең берік шанағы бар седан жасап шығардық.

Алюминий құрам бөліктерін өндіру қарапайым болат шасси өндірісіне қарағанда төмен шу деңгейі мен аз энергияны тұтынады және қоршаған ортаға қауіпсіз. Сонымен қатар, алюминийді қайта өңдеу материалдың құрылымдық тұтастығына нұқсан келтірместен шикі алюминий өндіруге қажетті энергияның тек 5 пайызын тұтынады. Осының арқасында біз Jaguar автокөліктерінің өндірісі бітпей тұрып-ақ қоршаған ортаға әсерін азайта аламыз.

Алюминий Jaguar шассиінің құрастыруларында салмақты азайту үшін ғана қолданылмайды, бұл автокөліктердің қуатын, динамикасын, сондай-ақ беріктік пен сенімділікті арттырады. Jaguar Land Rover компаниясының Ingenium қозғалтқыштарының жаңа буыны құйма алюминий блогымен және басымен жабдықталған, соның арқасында олардың ішкі контурының салмағы 24 кг жеңілірек, үйкеліс тұрғысынан 17% жақсырақ және бес децибелге тыныш.

Осылайша, біздің жаңа желідегі автокөліктер сыртқы және ішкі жағынан да қауіпсіз, үнемді және сенімді деп сенімді түрде айта аламыз.

XF жеңілдетілген алюминий құрылымы

Жарияланған күні: 18.08.2016

Jaguar автокөліктерін ең қуатты, сенімді және динамикалық ету үшін бар күшімізді саламыз.

Жарияланған күні: 18.08.2016

Біз жаңа өнімдерді әзірлеу мен жасаудың жылдам, тиімді және сенімді тәсілдерін ашатын озық виртуалды жобалау құралдары мен инновациялық технологияларға үлкен сомаларды инвестициялаймыз. Осының арқасында, Jaguar автокөліктері қауіпсіздіктің жоғарылауымен, беріктігімен және сенімділігімен ерекшеленеді.

Жарияланған күні: 18.08.2016

Жобалау, әзірлеу және өндіру жұмыстарының әр кезеңінде Jaguar автокөлігінің әрбір құрамдас бөлігі қауіпсіздік, беріктік және сапа тұрғысынан мыңдаған сынақтар мен тексерулерден өтеді. Бұл әр автокөліктің сенімділігінің, төзімділігінің және қауіпсіздігінің жоғары деңгейіне кепілдік береді.