XE автокөлігін алайық – алюминий монокок негізінде салынған, оның корпусында алюминийдің 75 %-нан астамы қолданылады. Бұл Jaguar компаниясы жасаған ең жеңіл және ең қатты седан. Бірақ нақты осы алюминийді дұрыс пайдалану барлық заманауи Jaguar автокөліктерінің әлемдегі ең қатаң заңнама талаптарына және тұтынушылардың апаттық сынақтарына сәйкес келуін қамтамасыз ететін негізгі фактор болып табылады.

Алюминий конструкциялары нақты жағдайдағы сынақтар кезінде өзін жақсы дәлелдеді. Біз 80 апаттық сынақтар циклдары кезінде 60-қа жуық шассиді қолдана отырып, апаттарды қайталадық, олардың қатарында автокөлік соққы кезінде 40 миллисекундта 100 МВт кинетикалық энергияны сіңіруге дейін барды. Бұл соқтығысу кезінде осы шассилер өздерінен қажет ететіндей әрекет ететініне көз жеткізу үшін жасалды.

Небәрі 40 миллисекундта бампер, краш-бокстар және бойлық құрылымдар деформацияланып, қозғалтқышты соқтығысу аймағынан салон мен соққы орны арасындағы аймаққа жылжытады. Автокөліктің ішіндегі қауіпсіздік жастықтары мен қауіпсіздік белбеуінің алдын ала тартқыштары соқтығысқаннан кейін 15 миллисекунд ішінде іске қосылып, салондағы адамдарға соққыны бәсеңдетуге көмектеседі. Сонымен қатар, көлік тоқтағаннан кейін жанармай сорғысы автоматты түрде сөніп қалады, апаттық шамдар іске қосылып, көліктен шығуды жеңілдету үшін есіктер кішкене ашыңқырайды.

Әр Jaguar тек автокөлік жолаушыларын ғана қорғамайды. Жаяу жүргіншілермен байланыс датчигі бар капот жүйесі* капоттты жоғары көтеру және оны 30 миллисекундтан аз уақыт ішінде көліктен шамамен 6 см алыстату үшін пиротехникалық жетектерді пайдаланады. Бұл жаяу жүргіншілерге қозғалтқыш пен аспа сияқты қатты компоненттердің соғылуына жол бермей, соққыны сіңіруге көмектеседі.

Қазіргі уақытта Jaguar автокөліктері үшін автокөліктің айналасындағы кеңістік пен жолдағы жағдай туралы ақпарат беретін немесе соқтығысуды болдырмауға көмектесу үшін автоматты түрде қосылатын жетілдірілген жүргізушілерге көмек көрсету жүйелерінің (ADAS) кең ауқымы бар.

Сондықтан, XE және XF өз сыныптарындағы үздік қауіпсіздік көрсеткіштерімен мақтана алатыны таңқаларлық емес: бұл модельдер 2015 жылы еуропалық жаңа көліктерді бағалау бағдарламасында бес жұлдызды және «Ересек жолаушыларды қорғау (жүргізушіні қоса алғанда)», «Балаларды қорғау», «Жаяу жүргіншілердің қауіпсіздігі» және «Қауіпсіздікті қамтамасыз етуге көмек» санаттарында жоғары бағаға ие болды.

Автокөлік құрастыру желісінің жетекшісі Кевин Страйд былай деп түсіндіреді: XE және XF әзірлеу кезінде біз идеалға қол жеткізу үшін еш тоқтаусыз жұмыс істедік. Қауіпсіздікті қамтамасыз ету динамикаға, пайдалану сапасына, әсемдікке және тиімділікке қарағанда аз көңіл бөлінген емес, ал біздің корпоративтік стандарттарымыздың қатаңдығы көбінесе заңнамалық нормативтер мен тұтынушылық сынақтардың қатаңдығынан асып түседі. Алюминий қорытпаларының шанағын жасау үшін әзірлеуден бастап, дербес шұғыл тежеу жүйесінде қолданылатын озық стереоскопиялық камераға дейін барлығы әлемдік стандарттарға сәйкес келетін қауіпсіздік деңгейлерін қамтамасыз ету үшін мұқият оңтайландырылған».

_{* Модель мен нарыққа байланысты.}