INCONTROL TOUCH PRO. ЖИІ ҚОЙЫЛАТЫН СҰРАҚТАР

Touch Pro — бұл біздің ең жаңа ақпараттық ойын-сауық жүйеміз. Сырт көзге Touch жүйесі сияқты көрінгенімен, бұл Intel, (Қытай үшін Autonavi, Жапония үшін NNG), Nuance және Meridian сияқты жетекші технологиялық компаниялармен бірге Jaguar әзірлеген эксклюзивті мүлдем жаңа шешім.

  Touch және Touch Pro арасындағы кейбір айырмашылықтар тізіміне мыналар кіреді:

  Құрылғымен жаңа жұмыс мүмкіндіктері

• Мультитач сенсорлық экраны және әртүрлі функцияларға арналған екі саусақпен масштабтау
• Табиғи тіл (ағылшын (Ұлыбритания, АҚШ) және қытай тілінің мандарин диалектісі)
 
Жаңа дербестендіру мүмкіндіктері
 
• Пайдаланушы баптайтын бірнеше басты экран.
• Пайдаланушы орнатуларының/баптауларының кеңірек ауқымы.
 
Жаңа мультимедиа опциялары
 
• Мультимедиа деректерін сақтауға арналған көлемі 10 ГБ орнатылған жад
• CD/DVD жетек
• Қазіргі сәтте ойнатылып жатқан композициялар негізінде плейлистерді автоматты қалыптастыратын Jaguar More Like This жаңа функциясы.
• Music Queue функциясы, бұл функция композицияның ойнатылуын тоқтатпай-ақ тректерді ойнату тізіміне оңай қосуға мүмкіндік береді
• USB 3.0, HDMI және MHL қолдау (тек Connect Pro жүйелері мен екінші қатардағы жолаушылардың мультимедиа жүйесіне арналған)
 
Connect Pro нұсқасына дейін жаңарту келесі жаңа функцияларды пайдалануға мүмкіндік береді:
 
• Картаны екі саусақпен масштабтау
• Есіктен есікке дейін шарлау және бағыттарды Route Planner қолданбасының және Android пен Apple iOS (Connect Pro) жүйелеріне арналған веб-сайт көмегімен жоспарлау
• «Тұрақты бағыттар» режимі сіздің сапарларыңызды зерттейді және бағыттағы жол жағдайына байланысты есептік келу уақытын автоматты түрде көрсетеді
• АЖС іздеу, бағыт жолындағы станцияларды отын құнымен бірге көрсетеді
• Келу режимі, межелі орынға жақындағанда (қолжетімді болғанда) көшелердің 360 градустық суретін көрсетеді
• «Тұраққа қою» функциясы межелі орынның маңынан көлік тұрақтарын табады және мүмкіндігінше бос орындардың бар-жоғы туралы хабарлайды
• Кешіккен жағдайда автоматты жаңарту мүмкіндігі бар электрондық пошта/SMS арқылы өз контактілеріңізбен есептелген келу уақытын бөлісу мүмкіндігі.
• TripAdvisor деректерін (қолжетімді болса) және басқа дереккөздерді пайдаланып, өзіңізді қызықтырған орындар туралы пікірлерді көрсету үшін іздеу
• Іздеуге, мекенжайды және пошта индексін енгізуге арналған бір терезе
• Карталарды жерсеріктерден алынған түсірілімдермен бірге балама көрсету
 
Touch Pro сондай-ақ опциялардың кең спектрімен істейді, оның ішіне мыналар кіреді:
 
• 3D картаны толық экранға көрсететін мүмкіндігі бар виртуалды аспаптар тақтасы
• Қуаты 380-1300 Вт MeridianTM аудиожүйелері
• Цифрлық телевизия
• Артқы орындықтағы жолаушыларға арналған мультимедиа жүйесі

Кейбір таңбашалардың/виджеттердің өлшемін өзгерте беруге болмайды, бұл ретте олардың кейбірінде өлшемін өзгертуге шектеу болуы мүмкін. Бұл таңбашаның/виджеттің қолжетімділігін, мысалы, оны тым кішірейтіп жіберуден қорғауға мүмкіндік береді.

Бірінші бастапқы экранды қосқанда, тағы 4 бастапқы экранға дейін жасай аласыз.

Қазіргі таңда дизайнды тек алдын ала орнатылған түсқағаздардың ішінен таңдай аласыз.

Рульдегі түймелер көмегімен басқаруға болатын Touch Pro функциялары төменде берілген (автокөліктің жабдықталуына байланысты):

- Мультимедианың, телефонның, тұраққа дейінгі қашықтықты бақылау жүйесінің кері байланысының, навигациялық нұсқаулардың және дауысты тану жүйесінің кері байланысының дауысын реттеу.
- Режимді таңдау түймесінің көмегімен тасығыштар түрлерін ауыстыруға болады, мысалы, ТД, радио, Bluetooth Media, iPod, USB (автокөліктің жабдықталуына және сол уақытта қолжетімді көздерге байланысты).
- Оңға/солға түймелерін пайдаланып, музыкалық композицияларды және сүйікті телеарналарды/радиостанцияларды ауыстырып қосуға болады. Ескерту: солға/оңға түймелерін ұзақ басып тұрсаңыз, радиостанцияларды іздей бастайды.

Жаңа виртуалды аспаптар тақтасының көмегімен сондай-ақ мультимедиа көзін, сүйікті ТД-арналарды/радиостанцияларды немесе тізімдегі соңғы телефон қоңырауларын таңдауға болады. Бұл үшін рульдегі «Menu/OK» түймесін басып, мысалы, «Таңдаулы», «Мультимедиа көзі», «Соңғы қоңыраулар» сияқты тиісті опцияға дейін айналдырыңыз. Ішкі мәзірге өту үшін «Мәзір/ОК» түймесін басыңыз. Рульдегі жоғары/төмен түймелерін пайдаланып, бетті қажетті тармаққа дейін айналдырыңыз да, «Мәзір/ОК» түймесін басып, нөмірді, таңдаулыны немесе мультимедиа көзін таңдаңыз.

Медиаплеерде физикалық немесе сымсыз байланыс арқылы осы сәтте қолжетімді мультимедиа көздері көрсетіледі. Сапар сайын олар өзгеруі мүмкін болғандықтан, мультимедиа көздерінің тізімі динамикалық түрде, пайдалануға байланысты құрастырылады. Радио әрқашан үстіңгі бұрышта орналасады. Радио жанында әрқашан соңғы пайдаланылған мультимедиа көзі көрсетіледі және т. б. Егер мультимедиа көзі қолжетімді болмаса, ол көрсетілмейді. Мысалы, егер USB-жинақтағыш қосылмаған болса, онда ол мультимедиа көздерінің тізімінде болмайды.

Алдымен автокөлігіңізбен байланысқан әр тіркелгіден шығыңыз. Сосын барлық профильдерді жойып, іздеу тарихын тазартыңыз. Тиісті опциялар «Навигация жүйесінің баптаулары» мәзірінде бар.

Иә, Touch Pro жүйесінде барлық дыбыс көздерінің дыбыс қаттылығын баптауға болады. Дыбыс көзі белсенді болғанда, дыбыс қаттылығын қажет деңгейге дейін реттесеңіз болғаны. Ескерту: кейбір дыбыс көздері үшін минималды дыбыс қаттылығы орнатылған. Сонда қауіпсіздікті қамтамасыз ету жүйесінің тиісті функцияларының ескертулерін әрқашан ести аласыз.

Уақыт автокөлігіңіздің ағымдағы орнының негізінде GPS жерсеріктерімен автоматты түрде синхрондалады. Сондықтан бір уақыт белдеуінен екіншісіне өткенде немесе Гринвич жүйесі бойынша жазғы уақытқа ауысқанда, жүйе автоматты түрде жаңартылады. Бұл Real Time Traffic Information System жол қозғалысы туралы ақпарат беретін жүйесінің шынайы уақыт режиміндегі максималды дәл жұмыс істеуіне кепілдік береді: барлық ұсынылған деректер сапарыңыз үшін дұрыс болады.

Бұл қауіпсіздік мақсаттарында істеледі. Артқы көрініс камерасының шолу бұрышы, ол жалғыз істегенде, әлдеқайда кеңірек. Артқы көрініс камерасы сондай-ақ көрінбейтін аймақтағы, жақындап келе жатқан көлік құралдары туралы тиімді ескертеді.

Мұндай жағдай бірнеше радиостанцияның атауы ұқсас болғанда, орын алады. Бұл жағдайда жүйе таңдауға болатын ықтимал станциялар тізімін көрсетеді. Жай ғана қажет станция атауын түртіңіз немесе тізімдегі нөмірін айтыңыз. Сондай-ақ станцияның толық атауын айтуға болады, мысалы, «1-станцияны қосу» дегеннің орнына «ВВС 1-станциясын қосу» деп айту. Сонымен бірге сіз барлық сүйікті радиостанцияларыңыз үшін дауыстық белгілер жасай аласыз.

Дауысты тану жүйесінің тілі жүйенің тілі негізінде белгіленеді. Дауысты тану жүйесі үшін басқа тілді таңдау үшін, жай ғана автокөліктің баптаулар мәзірінен жүйеге басқа тіл таңдаңыз.

Смартфондарға арналған InControl Apps қолданбасы:
Android 4.2 немесе одан кейінгі нұсқалары
Apple iPhone 5 немесе одан кейінгі нұсқалары

Смартфондарға арналған Route Planner қолданбасы:
Android 4.3 немесе одан кейінгі нұсқалары
Apple iPhone 4s немесе iOS 8.0 басқаратын кейінгі нұсқасы немесе одан да кейінгі нұсқасы

Route Planner веб-сайты:
Internet Explorer 9, 10, 11
Firefox 36, 37
Chrome 37, 38
Safari 7.1, 8

Route Planner веб-сайтымен жұмыс істейтін операциялық жүйелер:
Windows 7, 8, 10
Mac OS X Mavericks немесе одан кейінгі нұсқасы

Google Play немесе Apple App Store іздеу жолына төмендегіні енгізіңіз:

Remote Premium қолданбасы: Jaguar Remote Premium
InControl Apps: Jaguar InControl Apps
Route Planner: Jaguar Route Planner

Кейбір жағдайларда көлік жүргізуден жоғары баға алып, бірақ мысалы тығыз көліктер легінде қозғалғанда, отын шығынының (л/км) едәуір төмен көрсеткішіне ие болуыңыз мүмкін.

Егер UBI балыңыз 100 % болса, бұл сіздің сапар барысында отынды ең тиімді пайдалануға жеткеніңізді көрсетеді. 50 % деңгейдегі UBI балы басқа көлік жүргізу стилін таңдап, отынды бұдан да үнемдеуге болатынын білдіреді.

Навигацияны барынша аз әрекеттермен іске асыру үшін Touch Pro жүйесі «Артқа» пернесі үшін тарихи логиканы емес, иерархиялық логиканы пайдаланады. Ол сізді соңғы пайдаланған функцияға емес, жүйе деңгейлері бойынша қайтарады.

Таңбашаны/виджетті қосу үшін бастапқы экранның бос бөлігінде саусағыңызды басып тұрыңыз.

Таңбашаның/виджеттің орнын ауыстыру үшін, сенсорлық экранның төменгі бөлігіндегі өңдеу белгішесін басыңыз. Жаңа таңбашаны/виджетті орналастырғыңыз келген аймақты таңдау үшін «+» таңбасын басыңыз.

Таңбашаны/виджетті жою үшін үлкен жою тақтасы пайда болатын сенсорлық экранның төменгі бөлігіне тартып апарыңыз.

Бастапқы экрандар арасында таңбашаны/виджетті ауыстыру үшін оны экран бүйіріне апарыңыз — сол сәтте келесі/алдыңғы бастапқы экран пайда болады. Қажетті күйінде болғанда, таңбашаны/виджетті жібере салыңыз.

Таңбашаның/виджеттің оң жақ төменгі бұрышында өңдеу режимінде көрсетілетін өлшемді өзгерту белгішесін басып, масштабталатын таңбашалардың/виджеттердің өлшемін өзгертуге болады.

Назар аударыңыз: бапталатын бастапқы экранды өзгертуді/өңдеуді тек автокөліктің өзінде орындауға болады.

Иә, «Бастапқы экран» түймесін басқан сайын, әдепкі бойынша соған қайтып оралатындай етіп, бастапқы экрандарды баптап қоюға болады. Баптаулар > Бастапқы экранның баптаулары тармағына өтіңіз

«Бастапқы экран» түймесін бір рет басқанда, әдепкі бойынша бастапқы экранға ораласыз. «Бастапқы экран» түймесін екі рет басқанда, қосымша функциялар экранын қоса, барлық беттерді қарай аласыз. Бірнеше бастапқы экранды қосқаннан кейін бұл функция белгілі бір беттерге кіруді айтарлықтай жылдамдатады.

Жоқ, бұл бетті баптау мүмкін емес.

Негізгі панельдердің бүйір жағында орналасқан шағын шаршы белгіше арқылы нақты бір функцияға жылдам кіре аласыз. Пайдаланылатын мультимедиа көзіне байланысты, мысалы, дауыстық пошта, орындықты басқару, навигация параметрлерін орнату/орнатудан бас тарту, ойнату/кідірту және т. б.

Виртуалды аспаптар тақтасының дисплейінде таңдаулының бірінші 14 тармағын таңдауға болады. Қажетті мультимедиа көзі таңдаулылар тізімінде болмаса, тізімнің көрсетілу ретін өзгерте аласыз. Оны жылжымай тұрған автокөлікте істеу керек.

Ол автоматты түрде орындалады. Қайталау функциясы әрқашан қосулы болады, сондықтан жалғыз қолжетімді опция «Ағымдағы композицияны қайталау» болып табылады.

Терезені уақытша жию, бірақ дыбыс сигналдарын сақтап қалу үшін Park Distance Control тұраққа қойған кездегі қашықтықты басқару жүйесі терезесінің үстіңгі бұрышындағы айқышты басыңыз.

Park Distance Control тұраққа қойған кезде қашықтықты басқару жүйесін толықтай өшіру үшін Park Distance Control түймесін басыңыз. Бұл түйме автокөлігіңіздің сипаттамаларына байланысты не сенсорлық экранның төменгі бөлігінде не консольдың үстіңгі бөлігінде орналасады.

Автокөлік жылдамдығы 11 миля/сағ / 16 км/сағ шамасынан асқанда, Park Distance Control тұраққа қойған кезде қашықтықты басқару жүйесі автоматты түрде өшіріледі.

Иә, Баптаулар > Барлық баптаулар > Функциялар > Мультимедиа баптаулары > AM FM радиосы тармағына өтіңіз.

Жалпы баптауларға кіруді оңайлатқымыз, сондай-ақ дисплей және аудио сияқты кейбір жиі қолданылатын баптауларға жылдам кіруді қамтамасыз еткіміз келді. Дәл осы себепті баптаулар белгішесі (екі тегершік) әр негізгі функцияның сенсорлық экранының төменгі бөлігіне орналастырылған. Бұл түймені басқанда нақты функцияның баптаулар экраны көрсетіледі.


Үстіңгі бөліктегі бір үлкен түйме сол сәтте пайдаланылып жатқан функцияға байланысты динамикалық түрде өзгеріп отырады. Мысалы, егер навигация функциясын пайдаланып жатсаңыз, онда навигация жүйесінің баптаулары көрсетіледі. Төменгі бөлікте сенсорлық экранның жарықтығын автоматты басқарудан бас тартуға немесе оны толықтай өшіруге мүмкіндік беретін басқару элементтері орналасқан. Төменгі бөліктегі екі үлкен түйме «Барлық баптаулар» және «Аудиожүйе баптаулары» мәзіріне кіргізеді.

Jaguar-да орнатылған дауысты тану жүйесі мультимедиа жүйесіне және телефонға қауіпсіз кіруді қамтамасыз етеді. Дауысты тану функциясын іске қосу үшін рульдегі дауыспен басқару түймесін басыңыз. Дыбыс сигналынан кейін не істегіңіз келетінін айтыңыз.

Jaguar дауысты тану жүйесі жүргізушіні көпреттік әрекеттерді орындауды қажет ететін тапсырмалардан босату үшін жасалған болатын. Көп жағдайда климаттық жүйені басқару үшін бір түймені басса жетеді — дауыстық басқару мұндай әрекет үшін ауырлау болар еді.

Егер дауыстық командаларды растау функциясы пайдаланылса, дауысты тану жүйесі нұсқауды қайталай отырып, сіздің дауысыңызды растайды. Мысалы, «Үйге қоңырау шал» деген сөздерден кейін, жүйе: «Үйге қоңырау шалып жатырмын» дейді. Бұл параметрді өшірсеңіз, жүйе командаңызды орындайтын уақытты тездетеді.

Дауыстық сөзкөмектер функциясын қосқанда, жүйе сізге одан кейін не айту керек екені жөнінде кеңес береді. Жүйе жұмысына үйреніп кеткен соң, осы функцияны өшірсеңіз, өзара әрекеттестік уақыты қысқарады.

Назар аударыңыз: дауыстық сөзкөмектер функциясы өшірілген соң да, жүйе кейбір жағдайларда қосымша әрекеттерді сұрауы мүмкін.

Кіріп шығыңыз http://jaguar50.nextgen-technology.net

Жүргізуші рейтингіңіз — бұл нақты бір сапардағы автокөлік жылдамдығының, жылдымдықты тежеудің және үдетудің тиімді үйлесімі. Қозғалтқыш айналымдары режиміне, акселераторды және тежегіштерді пайдалануға берілген жеке бағалар сізге көлік жүргізу стилін қалай өзгерту әлдеқайда жоғары нәтижеге жеткізетінін және отын шығынын әлдеқайда азайтатынын түсінуге көмектеседі.

Автокөлігіңіз тоқтап тұрған кезде сіз жүргізу көрсеткіштерін жақсарту және отын шығынын азайту жолдары жөнінде кейінгі кеңестерге қол жеткізе аласыз.

Сенсорлық экрандағы «+» түймесін екі рет басып, масштабты ұлғайтып көріңіз.

Пайдаланушыларды зерттеуімізге негізделе отырып, Touch Pro навигация жүйесін жоғары бағытқа қарауды есепке ала отырып әзірледік. Пайдаланушылардың басым бөлігі дәл осындай түрдегі картаны таңдайды, себебі ол алдағы жол туралы нақтырақ көрініс береді. Жоғары бағытта қарауға сәйкес басқа карталар түрлерінің арақатынасын белгілеу ықтимал шатасып кетудің алдын алады деп ойладық.

Ағымдағы орналасқан орынды және межелі орынға қалған жолды немесе толық бағытты көрсету үшін «Жоғары бағытта қарау» түрін «Солтүстік жоғары жағында» түрімен біріктіруге болады. Соған қоса, сіз межелі орынға қатысты өзіңіздің ағымдағы орныңызды анықтай алуыңыз үшін іздеу әрқашан «Солтүстік жоғары жағында» режимінде көрсетіледі. Картаны қарағанда, «Солтүстік жоғары жағында» режимінде уақытша көрсету опциясы да қолжетімді.

Отын, май деңгейі және басқа да маңызды хабарламалар бөлігінде автокөлігіңіздің жай-күйінен әрдайым хабардар болуыңыз үшін.

Автокөлігіңізге жол белгілерін тану жүйесі орнатылған болса, борттық картаның деректерінен және көрініп тұрған жол белгілерінен алынған біріктірілген ақпарат экранда көрінеді. Алайда кей жағдайда автокөлігіңіздің камералары, мысалы, жол белгісі бүйірлік жолдағы қиылыс қасында орналасса, жол белгісін көрмеуі мүмкін.

Автокөлігіңізге жол белгілерін тану жүйесі орнатылмаған болса, онда аталған жылдамдықты шектеу борттық картаның деректер базасын қалыптастырған сәтте қолжетімді болған ақпаратқа негізделеді.

Дәл ақпаратты беру үшін барынша күш салатынымызға қарамастан, жол қозғалысының ережелерін сақтау жауапкершілігі толықтай жүргізушіге жүктеледі.

Межелі орынды қоса, бағыт бойынша 10 нүктеге дейін жасауға болады. Олар қосылу реті бойынша орналасады. Нүктелердің орналасу ретін өзгерту үшін картаның төменгі бұрышындағы мәзір белгішесін басып, «Өңдеу» опциясын таңдаңыз.

Егер навигация баптаулары мәзірінде «Тұрақты бағыттар» функциясы қосылған болса, онда нақты орналасқан жері мен тәуліктегі уақыты ескеріліп, межелі орынға ағымдағы сапар сақталады. Навигация жүйесі бұл сіздің ықтимал межелі орныңыз болуы мүмкін деп пайымдайды, ал ЕТА соған сәйкес келеді.

«Тұрақты бағыттар» функциясы қосылғанда, жүйе сізге таңдаулы бағытыңыздағы ықтимал мәселелер туралы хабарлап, сіз тіпті межелі орынды көрсетпесеңіз де, есептелген келу уақытын ұсынуы мүмкін. Егер сіз бір межелі орынға балама бағыт бойынша жүріп жүрсеңіз, жүйе оны жадына сақтап алады. Егер бір межелі орын үшін бірнеше бағыт зерттелген болса, онда жүйе ағымдағы жағдайлар негізінде ең жылдам бағыт пен есептелген келу уақытын көрсетеді.

Сапар басталғанда ол картада сызық ретінде көрсетіледі, бірақ ол бойынша қадамдық нұсқаулар берілмейді, неге десеңіз жүйе сіз бағытты білесіз деп болжайды. Алайда жол жағдайлары нашарлап, сіз ағымдағы бағыттан, сондай-ақ осы межелі орынға барып жүрген басқа бағыттардан ауытқып кетсеңіз, жүйе сізден қадамдық нұсқауларды қосқыңыз келетінін-келмейтінін сұрайды. Бейтаныс жерде жүрсеңіз, бұл функция айрықша пайдалы болады.

Touch Pro жүйесінде межелі орынды белгілеудің бірнеше тәсілі қарастырылған.

1. Басты экраннан «Межелі орынды белгілеу» опциялар экранын ашу үшін навигация тақтасында «Межелі орынды белгілеу» белгішесін басыңыз. Осылайша, бір жолда пошта индексін, мекенжайды немесе елді мекеннің атауын енгізе алатын іздеу экранына өтесіз.

2. Jaguar XJ жүргізушілері ауыстырып қосу тақтасында навигация түймесін түрте алады, ал басқа модельдердің жүргізушілері сенсорлық дислейдің төменгі бөлігіндегі навигация белгішесін екі рет түрте алады. Бұл межелі орынның баптаулар экранына тез өтуді қамтамасыз етеді. Бұл жерде үш опцияның бірін таңдай аласыз: «Мекенжайды енгізу (пошта индексін қосқанда)», «Іздеу» немесе «Межелі орындар». Межелі орын үй, соңғы барған межелі орындар, таңдаулы межелі орындар, жалпы межелі орындар немесе тұрақты бағыттар бола алады.

3. Тұрақты бағыт болған кезде, ол навигация тақтасындағы бастапқы экранда көрсетіледі. Сіздің ағымдағы орныңыз бен тәулік уақытының негізінде бірнеше тұрақты бағыт қолжетімді болса, экранда «Бірнеше тұрақты бағыт қолжетімді» жазуы пайда болады. Навигация тақтасын басқанда, қолжетімді тұрақты бағыттар тізіміне тікелей өтесіз.

4. Карта экранында межелі орынды таңдап, картаның төменгі бұрышындағы мәзір түймесін басыңыз. Межелі орынды қосудың үш нұсқасы тағы да көрсетіледі: мекенжай, іздеу және межелі орындар.

5. Смартфонға арналған Route Planner қолданбасы немесе веб-сайт арқылы өз автокөлігіңізге орындарды немесе межелі орындарды жібере аласыз. Бағыттар жоспарлаушысында сақталған орын автокөлік интернетке қосылып, тізімді синхрондаған соң, таңдаулы межелі орындар тізімінде пайда болады.

Route Planner бағыттар жоспарлаушысынан жаңа межелі орынды алып жатқан сәтте экранда навигация жүйесі терезесі ашық тұрса, межелі орын қалқымалы терезе түрінде пайда болады. «Қазір пайдалану» түймесін басу навигация жүйесіндегі межелі орынды растайды. Route Planner бағыттар жоспарлаушысының көмегімен белгіленген орындар соңғы межелі орындар тізімінде көрсетіледі.

Межелі орынды таңдаған соң, «Бағыт параметрлері» түймесін басып, әдепкі бағытты (тізімнің жоғарғы бөлігінде) және ең көбі екі балама бағытты қараңыз. Қалаған бағытты таңдап, бағыт бойынша жүре бастау үшін «Старт» түймесін басыңыз.

Уақытты үнемдеу үшін, алғашқы 3-4 әріпті енгізген соң, «Пернетақтаны жасыру» белгішесін басыңыз. Ықтимал орындар тізімі көрсетіледі. Көрсетілген тізімді айналдырғанда карталар автоматты түрде жаңартылып, бағытыңызға, межелі орныңызға не ағымдағы орынға қатысты орынды оңай көре аласыз.

Қажетті межелі орынды басып, бағытты картадан қараңыз. Егер автокөлігіңіз интернетке қосылған болса, осы жердің көшесінің суреті де (қолжетімді болса) көрсетіледі.

Толық экрандық режим белгішесін басқанда, көшелердің панорамалық көрінісі бұрышынан ұлғая бастайды. Бейнені панорамалау оны 360 градусқа айналдыруға мүмкіндік береді. Мекенжайды және соңғы жарияланған пікірлерді (ондай бар болса) қоса, қосымша ақпаратты алу үшін «...» басыңыз. Межелі орынға байланысты оның TripAdvisor сияқты сайттардағы пікірлерге негізделген рейтингі көрсетілуі мүмкін.

Межелі орын ретінде көлік тұрағы таңдалып, ол бойынша ақпарат қолжетімді болса, қосымша ақпараттық экранда бағасы мен бос орынның бар-жоғы да көрсетіледі.

Навигация жүйесінің сөзкөмектері белсенді болғанда, межелі орын жанындағы қандай да бір локацияны, мысалы, түскі ас ішуге болатын мейрамхананы табу үшін іздеу жолының бүйірін басып қалсаңыз жеткілікті.

Сапарды отын толтырмай аяқтау үшін отын деңгейінің жеткіліксіз екені туралы ескерту.

Сапарда жанармай құю станциясына аялдауды қосу үшін отын толтыру жайлы ескерту белгішесін басыңыз. Оның арқасында бағытыңызда орналасқан әрі сіз орналасқан орынға мейлінше жақын жанармай құю станцияларын көрсетуге, сондай-ақ келу уақытын (ЕТА) дәлірек есептеуге мүмкіндік болады.

Тілдердің басым бөлігі үшін болады. Ол үшін Баптаулар > Барлық баптаулар > Тіл және пернетақта мәзіріне өтіңіз.

Қажетті көшені тезірек табу үшін. Атаулары бірдей көшелер бірнеше қалада кездеседі. Алдымен қала атауын енгізсеңіз, мүмкін көшелердің нұсқалары қысқарады.

Алайда «Іздеу» опциясын пайдаланып, орынды немесе мекенжайды бір жолға енгізуге болады.

«Навигация» мәзірінен Баптаулар > Навигация жүйесінің баптаулары > Орнатылған карталар тармағына өтіңіз. Көрсетілетін елдер экранда пайда болады.

«Баптаулар» мәзірін шығару үшін рульдегі «Мәзір» түймесін басыңыз. Содан соң дисплейдің баптаулар мәзірін таңдап, «Карталар» опциясын басыңыз.

Дисплей баптаулары мәзірі көрсетілмесе, «Карта» опциясы көрсетілгенше (ол белгіленіп тұруы керек), ішкі мәзірді айналдырыңыз. Таңдау үшін «OK» түймесін басыңыз.

Карта виртуалды аспаптар тақтасында пайда болғанда, сол жақ таңдау түймесін басып тұрып, мәзірді жабыңыз.

Real Time Traffic Information System нақты уақыт режиміндегі жол қозғалысы туралы ақпарат беретін жүйесінің деректері негізінде алдымен ең жылдам жеткізетін бағыт ұсынылады. Жүріс барысында жол жағдайлары өзгерсе, жүйе бағытты автоматты түрде өзгертеді. Егер сіз екінші не үшінші нұсқаны (қосымша бағыт нұсқалары қолжетімді болған жағдайда) таңдасаңыз және жол жағдайлары нашарлап кетсе, жүйе сізге бұдан жылдамырақ нұсқа туралы хабарлайды — ағымдағы бағытты жаңарту үшін «OK» түймесін басыңыз. Әдетте, бағыттың екінші және үшінші нұсқасының арасында жолда жүретін уақыт айырмашылығы жоқ.

Картамен өзара әрекет ете бастағанда, ол «Зерттеу» режиміне қосылады, бұл режимде сіз орындарды таба аласыз, бағытты немесе нақты аудандағы трафикті тексере аласыз және т. б. «Зерттеу» режимінің сонымен қатар картаны «Солтүстік жоғары жағында» режимінде қарау мүмкіндігі бар.

«Артқа» түймесін басқанда немесе навигация көрсеткісін түрткенде, карта 60 секундтан соң автоматты түрде «Ұсыныстар» режиміне оралады. Карта көрінісі соңғы пайдаланылған 2D, 3D нұсқасының немесе жерсеріктік карта негізінде құрастырылады.

Сіз хабарландырулардың көрсетілуін баптай аласыз. Бұл үшін мәзірден Баптаулар > Навигация жүйесінің баптаулары > Хабарландырулар тармағына өтіңіз. Сіз сондай-ақ кез келген хабарландыруды басып, оны жасыра аласыз.

Әдетте, «Тұрақты бағыт» белгісі берілуі үшін бір межелі орынға бір бастапқы орыннан екі рет сапар шегу керек. Ағымдағы уақыт сондай-ақ жадыдағы тұрақты бағыттың басталу уақытынан +/-1 сағат шегінде болуы тиіс.

Межелі орындар тек автокөлік деректерді жіберуге арналған интернет қосылымына ие болса ғана алынады. Кейбір жағдайларда, тіпті егер жүйе қосулы ретінде көрсетілсе де, ұялы желі асыра жүктелген болып, жүйе межелі орын деректерін ала алмауы мүмкін. Автокөлік алған межелі орындар навигация жүйесі терезесі ашық болғанда ғана көрсетіледі. Сосын межелі орын я сенсорлық экранның бүйір жағындағы бағыт түрінде, я қалқымалы растау терезесінде көрсетілетін болады. Сіз навигациядан бөлек функцияны пайдаланып отырған кезде автокөлік межелі орынды алған болса, межелі орынды жақын арадағы межелі орындар тізімінен көруге болады.

Жай ғана іздеу жолына орынды, пошта индексін немесе мекенжайды енгізіңіз. Тіпті атауды/мекенжайды қате жазсаңыз да, іздеу функциясы әдетте орынды тани алады.

Автокөлігіңіз деректерді беру үшін интернет желісіне қосылған болса, іздеу функциясы бұлттағы соңғы ақпаратқа, сондай-ақ автокөлігіңіздегі борттық деректер базасына кіре алады.

Жай ғана іздеу жолына орынды, пошта индексін немесе мекенжайды енгізіңіз. Тіпті атауды/мекенжайды қате жазсаңыз да, іздеу функциясы әдетте орынды тани алады.
Автокөлігіңіз деректерді беру үшін интернет желісіне қосылған болса, іздеу функциясы бұлттағы соңғы ақпаратқа, сондай-ақ автокөлігіңіздегі борттық деректер базасына кіре алады.

Пошта индексі бойынша іздеу осы пошта индексі аясындағы орталық нүктеден іске асырылады. Алайда іздеуді көше атауы мен үй нөмірі бойынша жүргізуге болады.

Навигация басты экранының бүйірлеріндегі тақташалар сізге жолға шықпас бұрын сапарыңызды жоспарлауға қолғабыс етуге арналған.

Біздің ойымызша, ағымдағы межелі орынды ауыстыру опциясын ұсыну (бұл сценарийді пайдалану жиілігін есепке ала отырып) процесті қиындатып жіберер еді. Жаңа межелі орынды енгізудің ең оңай жолы — навигация жүйесі мәзіріндегі сөзкөмектерді болдырмай, жаңа межелі орынды белгілеу.

Автокөлігіңіз сіздің дилеріңіз орнатқан ең заманауи карталармен жабдықталған. Өңіріңізге байланысты картаны жылына төрт ретке дейін жаңарта аласыз.

Жаңартылған картаны https://www.Jaguar.com/navigation сайтында қолжетімді жүктеу құралының көмегімен Windows ОЖ немесе Apple-дан компьютердегі USB-жинақтағышқа жүктеп алуға болады. USB-жинақтағыштан жүктеген соң, автокөлікте картаны жаңарту 10-15 минутты алады.

USB-жинақтағыштарды FAT32 форматында форматтау керек. Jaguar беделді брендтің көлемі 32 ГБ болатын USB 3.0 жинақтағышын пайдалануды ұсынады. Бүкіл жаңарту процесі кезінде автокөлік қозғалтқышы жұмыс істеп тұруы КЕРЕК. Картаның жаңартылуын үзіп жіберсеңіз, жүйе жаңартуларсыз қалып, процесті қайта іске қосу қажет болады.

Толығырақ ақпарат алу үшін мыналармен танысыңыз https://www.Jaguar.com/navigation

Бәлкім, сіз массаж функциясының автоматты түрде іске қосылуын қосып қойған боларсыз. Баптаулар > Барлық баптаулар > Функциялар > Орындықтар > Автомассаж тармағына өтіңіз

Толық массаж циклі 10 минутқа созылады.

Сол сәтте телефон ұштастырылмаған я қосылмаған болса, тақтада «Телефонды қосу үшін басыңыз» жазуы пайда болады. Осы жазуды бассаңыз, жүйе Bluetooth арқылы құрылғыңызбен ұштасуға дайын болады.

Телефонда Bluetooth арқылы ұштастыру мәзіріне өтіп, өз автокөлігіңізді табыңыз. Пайдаланылатын телефон моделіне байланысты Touch Pro және/немесе телефон ұштастыру алдында таңдалған құрылғыңызды растауды сұрауы мүмкін. Сондай-ақ сізден телефон контактілері мен контактілер фотосуреттерін (бұл функция істесе) жүктеуді растау ұсынылуы мүмкін.

10 Bluetooth құрылғысына дейін ұштастыруға болады.

Бір уақытта бір телефонды және мультимедиа ойнататын бір құрылғыны қосуға болады. Алайда телефон мультимедианы ойнату құрылғысы ретінде де, телефон ретінде де қосылған болса, бір уақытта екінші құрылғыны пайдалануға болмайды.

Баптауларды өзгертпесеңіз, Touch Pro жүйесімен ұштастырылған бірінші құрылғы негізгі құрылғы болып саналады. Баптаулар > Барлық баптаулар > Функциялар > Bluetooth > Ұштастырылған құрылғылар тармағына өтіп, өзгерткіңіз келетін құрылғыны басыңыз.

InControl Touch Pro жүйесімен бірнеше телефонды ұштастырған болсаңыз, онда бұл белгішені басу арқылы қоңырау шалу/қабылдау үшін басқа құрылғыға ауыса аласыз.

Windows Phone телефондарын үйлесімді құрылғы Bluetooth арқылы қосылғанда мәтіндік хабарларды оқып, оларға жауап беретіндей етіп баптауға болады. Алайда қазіргі уақытта бұл функция Android және Apple құрылғыларымен пайдалану үшін Touch Pro жүйесінде істемейді.

Жоқ, синхрондалған контактілер телефон автокөлікке қосулы болғанда ғана көрінеді.

Телефонның басты экранында «Контактілер» опциясын таңдаңыз. Контактілер экранының жоғарғы бөлігіндегі іздеу жолын басып, пернетақтаны ашыңыз да, қажетті контактіні іздеуді бастаңыз.

Мәтінді енгізу барысында нәтижелер тізімі автоматты түрде жаңартылатын болады. Нұсқаларды қарау үшін «x сәйкестік» жолын басыңыз. Бір уақытта көбірек контактілерді көру үшін іздеу терезесі тізіммен бірге айналып, төрт элемент емес, бес элемент көрсетеді.

Балама ретінде рульдегі дауысты тану түймесін басып, нөмірді теру үшін дауыстық команданы пайдаланыңыз. Мысалы:

«Дэвид Смитке хабарлас».
«Дэвид Смиттің мобильді телефонына хабарлас».
«01234987654 тер».

Бұл Bluetooth баптауларында осы құрылғыға арналған автоматты қосылу функциясының өшірулі болуымен байланысты шығар.

Иә, радиоқабылдағыштың «Таңдаулы» тізімінде сіздің барлық сүйікті радиостанцияларыңыздың бірыңғай тізімі диапазонға қарамай берілген (мысалы, FM, AM DAB), бұл олардың кез келгеніне өтуді жеңілдетеді. (Алдыңғы жүйелер алдын ала орнатылған радиостанцияны таңдамас бұрын радиодиапазондарды ауыстыруды талап етті).

Сондай-ақ пайдаланушының бастапқы экрандарының біріне өзіңіздің сүйікті радиостанцияларыңызды таңбаша ретінде қоса аласыз.

Балама ретінде рульдегі дауысты тану түймесін басып, станцияны іздеу үшін дауыстық команданы пайдаланыңыз.

Иә. Экранның төменгі бөлігіндегі өңдеу белгішесін басыңыз, сосын басып тұрып, станцияны тізімдегі жаңа орынға апарыңыз. (Мұны тек тоқтап тұрған автокөлікте жасауға болады).

Карусельді қарау тек Sirius XM жерсеріктік радиосымен (тек АҚШ және Канада үшін), медиатекамен және USB-жинақтағышпен ғана жұмыс істейді.

Иә, Gracenote орнатылған деректер базасы тректер және альбомның атауы туралы ақпаратты таниды, сондай-ақ мұқабасын қосады. Компакт-дискіні салған кезде ойнатуды басқару элементтерінің жанында көшіру белгішесі пайда болады.

«Табу» опциясын таңдаған кезде, «Қазір ойнап жатыр» экранында барлық қолжетімді FM станциялардың тізімі жиілігі бойынша көрсетіледі. Алайда тізімді станциялардың атауы бойынша орналастырғыңыз келсе, сіз оны «Радио баптаулары» мәзірінен өзгерте аласыз.

Сол сәтте ойнап тұрған мультимедиа көзі тоқтатылмауы үшін. Бұл функция әсіресе екінші қатардағы жолаушыларға арналған ойын-сауық жүйесімен жабдықталған автокөліктер үшін пайдалы. Бұл кезде басқа жолаушыларға кедергі келтірмеу үшін артқы экрандарда DVD ойнатып, дауысын сымсыз құлаққап арқылы тыңдауға болады.

Иә, алдыңғы сенсорлық экранда мультимедианы ойнататын экранды таңдап, «Екінші қатардағы жолаушыларға арналған медиажүйе» тармағын басыңыз. Енді сіз осы сәтте әр дисплейде не ойнап жатқанын көре аласыз.

Сондай-ақ осы экраннан алдыңғы жолаушы пайдаланатын көзге байланысты мультимедиа көздерін және/немесе арналарды/станцияларды/тректерді ауыстырып қоса алады.

Жүргізуші де артқы орындықтардағы жолаушыларға арналған мультимедиа жүйесіндегі аудионың салон аудиожүйесі арқылы тыңдай алады. Бұл кезде арттағы жолаушылар салондағы дыбыстың дауысын басқара алады.

Назар аударыңыз: тек алдыңғы немесе тек артқы қатардағы жолаушылардың бір мезгілде дауысты реттеуге мүмкіндігі болады. Автокөліктің артқы орындықтарынан да, алдыңғы орындықтарынан да бір мезгілде дауысты реттеу мүмкін емес.

Егер аудио автокөліктің аудиожүйесі арқылы ойнатылып жатса, артқы жолаушыларға салондағы дыбысты басқару мүмкіндігін беруге болады. Содан соң қашықтан басқару пульті арқылы дауысты реттеуге немесе қажет болса, өшіруге болады.

Автокөліктің сымсыз құлаққаптарын пайдаланған кезде дауысты реттегіш құлаққаптың өзінде бүйір жағында орналасады.

Android телефондары Bluetooth не USB арқылы Touch Pro-ға қосылған болуы керек.

Біз олай жасауға кеңес бермейміз, өйткені бұл жинақтағыштардың энергия тұтынуы айтарлықтай өзгеше.

Иә.

«Қазір ойнап жатыр» экранында немесе «Тізімді табу» радиостанция іздеу тізімінде жұлдызша белгішесін басыңыз. Контур орнына толыққанды жұлдызша пайда болса, бұл станцияның «Таңдаулыға» қосылғанын білдіреді. Станциялар олардың қосылу тәртібі бойынша іріктелген.

Жұлдызша белгішесін басыңыз. Толыққанды жұлдызшаның орнына оның контуры ғана қалғанда, бұл станция «Таңдаулы» тізімінен алып тасталады.

«Медиа» режимінде радиостанцияны, теледидар арналарын немесе ойнатылатын тректі өзгерту үшін сенсорлық экранның ортасынан солға немесе оңға қарай саусақпен жүргізуіңіз керек.

Бағдарламалық құралдың соңғы жанартуларын алу үшін өз дилеріңізге хабарласыңыз.

Автокөлігіңіздің техникалық сипаттамаларына және қабылдау сапасына байланысты бір мезгілде үш арнаға дейін көруге болады.

Автокөлікте тұрған бірнеше теледидар антеннасы артқы сол жақ экранда бір арнаны, артқы оң жақ экранда екіншісін, алдыңғы сенсорлық экранда үшінші арнаны көруге мүмкіндік береді. Алайда алдыңғы сенсорлық экранда тек автокөлік тоқтап тұрған кезде ғана көруге болады: көлік қозғалған кезде тек аудио ойнатылады.

Бір теледидар арнасын көрген кезде бірнеше антеннаның сигналы бірігіп, сигналдың жақсы берілуін және сурет сапасының жақсаруын қамтамасыз етеді.

Сізге ыңғайлы болуы үшін бастапқы экран автоматты түрде көрсетіліп, басқа функцияға өтуді жеңілдетеді.

Ол қашықтан басқару пультін блоктайды және автокөліктің артқы бөлігінде отырған пайдаланушыларға арнаны немесе дауысты ауыстыруға мүмкіндік бермейді. Автокөлікте кішкентай балаларды тасыған кезде бұл функцияның пайдасы көп.

Жаңа Jaguar XJ ішіне орнатылған екінші қатардағы жолаушыларға арналған ойын-сауық жүйесінің мүмкіндіктері:

• Қабырғаларының арақатынасы 16:9, диагоналі 10,2 дюйм болатын анықтығы жоғары екі дисплей, пайдаланбаған кезде оларды жасырып қоюға болады


• Пайдаланушы интерфейсінің мүлдем жаңа дизайны


• Әртүрлі құрылғыларды, соның ішінде смартфондарды/планшеттерді қосудың мол мүмкіндіктері:


• Екі USB 3.0 ағытпасы


• Бір HDMI ағытпасы


• Екі мақсатта қолданылатын бір HDMI / MHL ағытпасы


• Барлық мультимедиа құрылғыларын, климат-контрольды және орындықтарды жылыту/салқындату жүйесін экраннан басқару (автокөліктің спецификациясына байланысты)


• Пайдалануды басқару және мониторинг жүргізу үшін алдыңғы жолаушыларға арналған басқару құралдары


• Dolby Virtual Surround Sound істейтін сымсыз құлаққаптар

Жаңа навигация жүйесінің мүмкіндіктері (Жапонияда қолжетімді емес):

• Сапар туралы толық ақпарат


• Толық іздеу және карталарды қарап шығу мүмкіндігі (егер автокөлік мобильді желіге қосылған болса, онлайн іздеу)


• Жерсеріктік түсірілімдер (желіге қосылуды талап етеді)


• Екінші қатардағы жолаушылардың жүргізушіге межелі орынды ұсынуына мүмкіндік беретін функция

128 ГБ дейін.

Назар аударыңыз: кез келген USB-жинақтағышты пайдаланбас бұрын FAT32-де форматтап алу керек. USB-жинақтағыштан алған ақпаратты сақтағаныңызға көз жеткізіңіз, себебі форматтаған кезде барлық деректер жойылатын болады.

Touch Pro аудио және бейнеформаттардың көптеген түрін қолдайды, соның ішінде:

Аудиоформаттар: AAC, Dolby, DTS, FLAC, MPEG 1, 2, 3, WMA, PCM, WAV, Apple Lossless
Бейнеформаттар: AVI, DV, 1, 2, 4, соның ішінде DivX, Xvid и QuickTime, H.263, H.264, WMV, MKV